Ku itariki ya 31 Ukwakira, Umuyobozi w’Akarere wungirije ushinzwe Iterambere ry’ubukungu BIZIMANA_Eric ari kumwe n’abahagarariye inzego zinyuranye mu Karere, bakiriye Hon. Depite KALISA Jean Sauveur na MUKARUSAGARA Eliane baje mu ruzinduko rw’iminsi 2 mu Karere hagamijwe gukora ubukangurambaga bwo kumenyekanisha Itegeko rishya rigenga abantu n’umuryango hamwe n’ubukangurambaga mu rubyiruko ku kwitabira serivisi zijyanye n’ubuzima bw’imyororokere no kwirinda inda zitateganyijwe.

Ibiganiro bagiranye byibanze ku bikorwa n’Akarere mu rwego rwo kumenyekanisha itegeko rishya rigenga abantu n’umuryango, imbogamizi zihari ndetse n’iby’ingenzi abantu bakwiye kumenya kuri iri tegeko.

Banaganiriye kubikorwa mu rwego rwo kwita ku buzima bw’imyororokere y’urubyiruko rwiga n’urutiga ndetse n’ingamba zashyizweho mu rwego rwo kurwanya ihohoterwa rikorerwa abana n’inda ziterwa abangavu.

Iki gikorwa cyateguwe ku bufatanye bw’Ihuriro ry’Abanyarwandakazi bo Nteko ishinga Amategeko FFRP n’Ihuriro ry’abagize ry’Abadepite    baharanira Imibereho myiza y’Abaturage n’Iterambere RPRPD.

Nyuma y’ibiganiro, Abadepite basuye Ibitaro bya Kabgayi basobanurirwa serivisi zitangirwa muri Isange One Stop Center ndetse basura n’Ikigo Nderabuzima cya Gitarama.

Baganiriye n’ubuyobozi bw'Ikigo Nderabuzima n’abajyanama b’ubuzima bahagarariye abandi, hagamijwe kumenya uko urubyiruko rwitabira kwaka serivisi z’ubuzima bw’imyororokere, uburyo bwo kubaha serivisi bakeneye n’imbogamizi zihari.