Abagize Komite Nyobozi y’Akarere n’inzego z’umutekano bakiriye Visi Perezida wa w’Inteko Ishinga Amategeko  Hon. Depite HARERIMANA Mussa Fazil , Hon. Depite MUKANDANGA Speciose na Hon. Depite MUKAMANA Alphonsine, batangiye uruzinduko rw'iminsi 6 mu Karere mu rwego rwo kugenzura ibikorwa bigaragaza iterambere ry’Imijyi, imiturire n’imikoreshereze y’ubutaka n’ibindi.

Ibiganiro Abadepite bagiranye n'ubuyobozi bw'Akarere, JADF, Imiryango ishingiye ku myemerere, PSF, Sosiyete sivile n'abandi byibanze ku iyubahirizwa ry'igishushanyo mbonera n'ibishushanyo mbonezamiturire, uruhare rw'abafatanyabikorwa mu guteza imbere imijyi, imiturire no kwita ku mikoreshereze y'ubutaka, gahunda y'ibikorwa biteganyijwe bigamije guteza imbere imijyi n'ibindi.

Nyuma y’ibiganiro n’Ubuyobozi bw’Akarere, Abadepite bagiranye n'abaturage bo mu Murenge wa Nyamabuye mu Kagari ka Gahogo, bashimye iterambere Akarere kamaze kugeraho bavuga ko riragaragaza ubumwe  n’ubufatanye hagati  y’Abaturage n'Ubuyobozi bw'Akarere.

Abadepite  bagaragaje ko ibi bikorwa  bigerwaho kubera imiyoborere myiza ya Nyakubahwa Perezida wa Repubulika.

Abadepite basabye abaturage gufata neza ibikorwaremezo byagezweho, kubahiriza igishushanyo mborera, kubungabunga ibidukikije, gutoza abana indangagaciro, kwirinda no kurwanya ihohoterwa iryo aryo ryose, gusigasira ubumwe bw'abagize umuryango, kunga ubumwe no kwirinda ingengabitekerezo ya jenoside.

Mbere y'ibiganiro n'abaturage, Abadepite basuye uruganda rutunganya amazi rwa #Gihuma n'icyanya cy'inganda cya Muhanga