Ku itariki ya 10 Ukuboza,  mu Karere ka Muhanga hasojwe iminsi 16 y'ubukangurambaga ku gukumira no kwirinda ihohotera rishingiye ku gitsina ku nsanganyamatsiko igira iti:"Twubake umuryango uzira ihohotera."

Ku rwego rw'Akarere byabereye mu Murenge wa Cyeza ku Cyicaro cya EAR Diyoseze ya Shyogwe, aho Visi Meya MUGABO Gilbert yifatanyije n'ubuyobozi bwa EAR, Impuzamiryango PROFEMME TWESE HAMWE n'abandi bafatanyabikorw banyuranye.

Kuri uyu munsi hatanzwe amahugurwa ku byiciro bitandukanye yibanze  ku ihame ry'uburinganire n'ubwuzuzanye mu muryango, kwirinda ihohotera rishingiye ku gitsina n'icuruzwa ry'abantu. Aya mahugurwa akaba yarateguwe ku bufatanye bwa EAR-Shyogwe na PROFEMME TWESE HAMWE.

Mu butumwa bwe, Visi Meya MUGABO Gilbert yashimye ubufatanye bw'Akarere, EAR-Shyogwe n'Impuzamiryango PROFEMME TWESE HAMWE ndetse ashima n'uruhare rwa buri wese mu kubaka umuryango uzira ihohotera.