Ku itariki ya 11 Gicurasi, Umuyobozi w'Akarere Wungirije ushinzwe iterambere ry'ubukungu Bwana BIZIMANA Eric ari kumwe n'Umuyobozi w'Akarere Wungirije ushinzwe Imibereho myiza Bwana Gilbert MUGABO bifatanyije n'abaturage bo mu Mujyi wa Muhanga muri SiporoRusange ngarukakwezi. 

Abayitabiriye baturutse mu bice bitandukanye by'Umujyi bahurira kuri Stade ya #Muhanga bakora imyitozo ngororamubiri.

Ubutumwa Visi Meya BIZIMANA Eric yagejeje ku bitabiriye Siporo bwibanze ku kubakangurira kwirinda Malariya bitabira kurara mu nzitiramubu no kwihutira kujya kwa muganga mu gihe bumva batameze neza. Yabasabye kandi kwirinda ibiza muri iki gihe cy’imvura, gutanga umusanzu w'ubwisungane mu kwivuza, kwita ku isuku n'ibindi.  Yashimiye abitabiriye Siporo abibutsa ko siporo ari Ubuzima.

Ku bufatanye bw’Akarere n’Ibitaro bya Kabgayi, abitabiriye siporo bapimwe ku bushake indwara zitandura bahabwa n’ubujyanama.