Ku itariki ya 01 Ukwakira 2025 Ubuyobozi bw’Akarere bwakiriye Itsinda ry’Abakozi ba Banki y’Isi bari kumwe n’abakozi b’Ikigo Igishinzwe Guteza Imbere ibikorwa by’Iterambere mu Nzego z’Ibanze (LODA) n’aba Minisiteri ifite mu nshingano ibikorwaremezo baje kureba aho umushinga wa RUDP II/Phase 4 ujyanye no kubaka ibikorwaremezo mu Mujyi wa Muhanga ugeze ushyirwa mu bikorwa. Ibikorwa remezo birimo kubakwa birimo isoko rya Shyogwe (Cyakabiri) n’isoko rya Nyabisindu mu Murenge wa Nyamabuye, ubusitani, umuhanda wa Kaburimbo mu Kagari ka Gahogo n’ibibuga by’imikino y’intoki.

Nyuma yo kugezwaho ibimaze gukorwa, abagize iri tsinda basuye aharimo kubakwa ibi bikorwaremezo bitandukanye mu rwego rwo kureba aho imirimo igeze.