Kuwa Kabiri tariki ya 10 Gicurasi 2025, hirya no hino mu midugudu yose hateranye inteko y'abaturage. Umuyobozi w’Akarere wungirije ushinzwe Iterambere ry’ubukungu Bwana BIZIMANA Eric ari kumwe n’abandi bayobozi batandukanye n’inzego z’umutekano bitabiriye inteko y’abaturage mu Murenge wa SHYOGWE mu Kagari ka MUBUGA.

Ubutumwa abayobozi bagejeje ku baturage bwibanze ku kubakangurira gusigasira ubumwe bw’abagize umuryango, kwita ku burere bw’abana, kwitabira umurimo, kwita ku isuku, gutanga umusanzu w'ubwisungane mu kwivuza wa 2025_2026, kujyana abana bose mu ishuri no gutanga uruhare rufasha abana gufatira ifunguro ku ishuri. Basabwe kandi guhinga ibisambu byose bidahinze mu rwego rwo kongera umusaruro, kwitabira uburyo bwo gukemura amakimbirane hatisunzwe inkiko no kubaha ibyemezo by’inkiko. Abaturage basabwe kwirinda ibyaha birimo ibikoresheje ikoranabuhanga, gusigasira ubumwe n'ubudaheranwa bw'Abanyarwanda no gushyira imbere gahunda ya  Ndi Umunyarwanda. Muri iyi nteko, abaturagebakanguriwe gusigasira no gufata neza ibikorwaremezo, by’umwihariko ibikorwaremezo by’amazi n’amashanyarazi. Basabwe kujya batanga amakuru ku gihe mu gihe babonye abangiza ibi bikorwaremezo.

Muri iyi nteko kandi, Umuyobozi w'Akarere wungirije  yakiriye ibitekerezo ndetse akemura n’ibibazo yagejejweho n'abaturage.