Ku itariki ya 21 Ukwakira 2025, mu Tugari twose habaye inteko y'abaturage. Umuyobozi  w’Akarere Madamu KAYITARE Jacqueline ari kumwe n'Umuyobozi wa Police ku rwego rw'Akarere n’abandi bayobozi bitabiriye inteko yahuje abaturage bo mu Tugari twa Tyazo na Nyamirama mu Murenge wa Muhanga.

Ubutumwa abayobozi bagejeje ku baturage bwibanze ku kubakangurira kwita ku isuku aho batuye n'aho bakorera, guhinga ubutaka bwose bwagenewe ubuhinzi hagamijwe kongera umusaruro, kujyana abana bose ku ishuri, kwita ku mutekano, kwirinda amakimbirane yo mu muryango no kwirinda gukora ubucukuzi bw'amabuye y'agaciro mu buryo bunyuranyije n'amategeko.

Muri iyi nteko, abayobozi bakiriye ibibazo n'ibitekerezo bagejejweho n'abaturage.