Kuri uyu wa 30 Kanama 2022, ku Rwunge rw’Amashuri rwa Shyogwe, Umuyobozi w’Akarere Madamu KAYITARE Jacqueline yitabiriye igikorwa cyo gusoza ukwezi k'ubukangurambaga mu rubyiruko bwateguwe na EAR Diyosezi ya Shyogwe hagamijwe kurwanya ibiyobyabwenge, inda zidateganyijwe n'icuruzwa ry'abantu binyuze mu mikino yahuje urubyiruko muri Paruwasi zose zigize iyi Diyosezi.

Iki gikorwa cyanitabiriwe n'Umwepiskopi wa EAR Diyosezi ya Shyogwe, Aba Pasitoro batandukanye, uhagariye RIB mu Karere, inzego z'umutekano n'urubyiruko rwaturutse muri Paruwasi zose za EAR Diyosezi ya Shyogwe ziherereye mu Turere twa Muhanga, Kamonyi, Ruhango na Nyanza.

 Umuyobozi w’Akarere, Umwepiskopi wa EAR Diyosezi ya Shyogwe, Aba Pasitoro batandukanye, uhagariye RIB mu Karere n’inzego z'umutekano bitabiriye iki gikorwa

Mu butumwa Umuyobozi w’Akarere yahaye urubyiruko rwitabiriye iki gikorwa, yibanze ku kurusaba kwima amatwi ababashuka babashora mu ngeso mbi, ahubwo bakarangwa n'ingeso nziza, bagatangira gutegura neza ejo hazaza habo n'Igihugu muri rusange kuko hari mu biganza byabo.

Umuyobozi w’Akarere Mme KAYITARE Jacqueline ageza ubutumwa ku bitabiriye

Uku kwezi k'ubukangurambaga mu rubyiruko kwasojwe uyu munsi, kwari kwaratangiye kuwa 27 Nyakanga 2022 muri Paruwasi zose zigize EAR Diyosezi ya Shyogwe.

Yanditswe na:

UWINGABIRE Dieudonné (Ag.PRO)

Andi mafoto yaranze iki gikorwa