Kuri uyu wa 11 Kamena 2022, Itsinda ry'Abasenateri rigizwe na Hon. MUPENZI George hamwe na Hon. UMUHIRE Adrie bagize Ihuriro ry’Abagize Inteko Ishinga Amategeko rishinzwe kurwanya ruswa (APNAC), basoje uruzinduko rw'iminsi 2 bari bamaze mu Karere, hagamijwe kumenya uko Inama Ngishwanama yo kurwanya ruswa n’akarengane ku rwego rw’Akarere ikumira kandi ikarwanya ruswa.

Ku munsi wa mbere w’uruzinduko rwabo, bagiranye ikiganiro n'abagize Inama Ngishwanama yo kurwanya ruswa n’akarengane ku rwego rw’Akarere, ndetse banatanga ikiganiro kuri Radio HUGUKA kigamije gusobanurira abaturage ibigize icyaha cya ruswa n’ingaruka ruswa igira ku iterambere ry’Igihugu.

Kuri uyu munsi wa kabiri ari nawo wa nyuma w’uruzinduko rwabo, iri tsinda ry'Abasenateri ryasuye Umurenge wa Cyeza, riganira n'abaturage ku mikorere y'Inama Ngishwanama yo kurwanya ruswa n'Akarengane ku rwego rw'Umurenge n'Akagari, ndetse bakira ibitekerezo n’ibibazo by’abaturage bihabwa umurongo.

Yanditswe na:

UWINGABIRE Dieudonné (Ag.PRO)