Ku itariki ya 26 Kanama 2025, mu Tugari twose hakomeje ibikorwa by’Ukwezi kwahariwe imiyoborere myiza byahujwe n'inteko z'abaturage, aho Umuyobozi w’Akarere wungirije Ushinzwe iterambere ry'Ubukungu Bwana BIZIMANA Eric n’inzego z’umutekano basuye abaturage bo mu Kagari ka Buramba mu Murenge wa KABACUZI.

Ubutumwa Abayobozi bagejeje ku baturage  bwibanze ku ku kubakangurira kwandikisha abavutse no kwandukura abapfuye; kwitabira kwifotoza ku bagejeje igihe cyo gufata irangamuntu; gukangurira imiryango ibana mu buryo butemewe gusezerana imbere y’amategeko; gukangurira abagize umuryango kubana mu mahoro; kwishyura umusanzu w’ubwisungane mu kwivuza; kwirinda Malaria barara mu nzitiramubu; gutegura igihembwe cy'ihinga 2026A; gukangurira ababyeyi kwitegura itangira ry'amashuri 2025-2026; kwita ku isuku; kwita ku mutekano n’ibindi.

Kuri uyu munsi, imiryango 25 yo mu Murenge wa Kabacuzi isanzwe ibana idasezeranye, yasezeranye imbere y’amategeko.