Ku itariki ya 09 Nzeri mu Tugari twose habaye inteko y'abaturage yahujwe n'ibikorwa by'ukwezi kwahariwe imiyoborere myiza. Umuyobozi w’Akarere wungirije ushinzwe Iterambere ry’Ubukungu Bwana BIZIMANA Eric ari kumwe n'inzego z'umutekano n’abandi bayobozi batandukanye bitabiriye inteko y’abaturage mu Murenge wa Kiyumba mu Kagari ka Ruhina.

Mu butumwa Visi Meya yagejeje  ku baturage  yabasabye gutegura igihembwe cy'ihinga (Season 2026A), guhinga ibisambu byose bidahinze, gukoresha inyongeramusaruro n’imbuto y’indobanure; kujyana abana bose ku ishuri no gutanga uruhare rwabo rufasha abana gufatira ifunguro ku ishuri, kwishyura umusanzu w’ubwisungane mu kwivuza 2025/2026, gukangurira abagize umuryango kwirinda amakimbirane  no kwita ku burere bw'abana, kwita ku isuku n’umutekano, kwirinda ubucukuzi bw'amabuye y'agaciro bunyuranyije n'amategeko, kwandikisha abavutse no kwandukura abapfuye, Kwitabira kwifotoza ku bagejeje igihe cyo gufata irangamuntu.

 Ku bufatanye bw'Akarere n'Ikigo Nderabuzima cya Nyabikenke abitabiriye inteko bapimwe ku bushake indwara zitandura.