Ku itariki ya 18 Ugushyingo, mu tugari twose habaye inteko y'abaturage, Umuyobozi w'Akarere Madamu KAYITARE Jacqueline  ari kumwe n’abandi bayobozi batandukanye n’inzego z'umutekano bitabiriye inteko y'abaturage mu Murenge wa KIYUMBA mu Kagari ka RUHINA.

Mu butumwa abayobozi bagejeje ku baturage; babasabye kwita ku mutekano no gutangira amakuru ku gihe, kwita ku bumwe bw'abagize umuryango, kubahana, kwita ku burere bw'abana no gutoza abakiri bato umurimo.

Umuyobozi w'Akarere yasabye abaturage kwita ku isuku, kubungabunga ibikorwaremezo, guhinga ubutaka bwose bwagenewe ubuhinzi, gukoresha inyongeramusaruro mu byanya byatoranyijwe (FOBASI) hagamijwe kongera umusaruro bwiza no mu bwinshi ndetse abakangurira no kuzitabira igikorwa cyo gufata Indangamuntu-koranabuhanga.

Yasoje ubutumwa bwe asaba abaturage kuzitabira ubukangurambaga bw'iminsi 16 yahariwe kurwanya ihohoterwa rishingiye ku gitsina, ubu bukangurambaga bukazatangira ku itariki ya 25 Ugushyingo 2025.