Ku itariki ya 13 Kanama kuri Stade ya Muhanga habereye inama  yahuje abanyamuryango ba Koperative Jyambere-Motari Muhanga, ihuza abatwara abagenzi kuri Moto mu Karere ka Muhanga, yitabiriwe n'Umuyobozi w'Akarere KAYITARE Jacqueline, abahagarariye Ubuyobozi bwa Police  ku rwego rw'Igihugu n'abandi.

Mu butumwa abayobozi bagejeje ku banyamuryango b'iyi Koperative, babashimiye uruhare rwabo mu iterambere ry'Igihugu, babasabye kubahiriza amategeko y'umuhanda, kwirinda gutwara ibinyabiziga nta byangombwa no kwirinda gutwara banyoye ibisindisha, kugira isuku, kurangwa n'ikinyabupfura no kwitabira gahunda za Leta zitandukanye.