Kuri uyu wa 02 Nyakanga 2022, kuri Stade ya Muhanga; hizihirijwe ku rwego rw'Igihugu Umunsi Mpuzamahanga wahariwe Amakoperative, wari ufite insanganyamatsiko igira iti: "Amakoperative yubaka Isi nziza".

Iki gikorwa cyari kitabiriwe na Guverineri w’Intara y’Amajyepfo Madamu KAYITESI Alice, Umuyobozi Mukuru w’Ikigo cy’Igihugu gishinzwe Amakoperative, Abayobozi mu nzego zitandukanye n'abanyamuryango b'Amakoperative atandukanye mu Gihugu cyose.

Muri ibi birori byabanjirijwe n'imurikabikorwa by'Amakoperative atandukanye, hanatanzwe igihembo kuri Koperative y'abahinzi ba Kawa "Abateraninkunga ba Sholi" ikorera mu Murenge wa Cyeza wo mu Karere ka Muhanga nk'iyahize izindi ku rwego rw'Igihugu.

Mu ijambo nyamukuru yagejeje ku bitabiriye ibi birori, Guverineri KAYITESI Alice, yibanze ku gushima uruhare rw'Amakoperative mu guteza imbere Igihugu ndetse asaba abanyamuryango b'Amakoperative kurushaho gucunga neza umutungo wayo kuko iyo ucunzwe neza wunguka.

Yanditswe na:

UWINGABIRE Dieudonné (Ag.PRO)