Ku itariki ya 13 Kanama mu Tugari twose, hizihijwe Umunsi Mpuzamahanga w’Urubyiruko, igikorwa cyahujwe na gahunda yo kwita ku rubyiruko mu biruhuko.

Insanganyamatsiko y’uyu mwaka iragira iti: “Kubaka ubushobozi bw'urubyiruko hagamijwe iterambere rirambye.”

Muri ibi birori; Umuyobozi w’Akarere yifatanyije n’urubyiruko rwo mu Kagari ka Gifumba i mu Murenge wa Nyamabuye, arusaba kwirinda ibishuko, gukunda umurimo, kuba abana bumvira, b’imico myiza ndetse  bakunda ishuri.

Yasabye ababyeyi kwita ku burere bw’abana, kubafasha gukomeza kwitabira gahunda bashyiriweho muri iki gihe cy’ibiruhuko no kubera abana urugero rwiza birinda amakimbirane yo mu muryango.