Kuwa Kabiri tariki ya 22 Mata 2025, hirya no hino mu midugudu yose hateranye inteko z'abaturage aho Umuyobozi w'Akarere Madamu KAYITARE Jacqueline ari kumwe n'abandi bayobozi bifatanyije n'abaturage bo mu Kagari ka Mubuga mu Murenge wa Shyogwe.

Mu butumwa yagejeje ku baturage, Umuyobozi w'Akarere yabasabye kwirinda amakimbirane yo mu muryango kuko agira ingaruka mbi ku iterambere n’imibereho myiza y’abagize umuryango. Yabasabye kandi gucunga neza umutungo w'abashakanye, kujyana abana bose mu ishuri no gutanga uruhare rufasha abana gufatira ifunguro ku ishuri. Yabasabye kandi kwitabira umurimo, guhinga ibisambu byose bidahinze mu rwego rwo kongera umusaruro, kwitabira gutanga umusanzu w'ubwisungane mu kwivuza no kubaha ibyemezo by'inkiko.

Yasoje ubutumwa bwe ashimira abaturage uburyo bitwaye mu gihe cyo kwibuka ku nshuro 31 Jenoside yakorewe Abatutsi mu 1994 ndetse abasaba gukomeza gusigasira ubumwe n'ubudaheranwa bw'Abanyarwanda birinda amacakubiri n'ingengabitekerezo ya Jenoside.

Muri iyi nteko kandi, Umuyobozi w'Akarere yakiriye ibitekerezo ndetse akemura n’ibibazo yagejejweho n'abaturage