Ku itariki ya 22 Ukwakira 2025, Umuyobozi w'Akarere Madamu KAYITARE Jacqueline yitabiriye inama yamuhuje n’Abakozi b'Umurenge wa Nyamabuye, abafatanyabikorwa b'Umurenge n'abahagarariye ibyiciro byihariye.

Inama yateguwe hagamijwe kwisuzuma, gutekereza ku nshingano abakozi n’abafatanyabikorwa bafite  ku muturage, kuganira ku mbogamizi zigihari, kunoza imitangire ya serivisi no guteza imbere imiyoborere ishingiye ku muturage mu rwego rwo gushyira umuturage ku isonga.

Mu Ijambo rye, Umuyobozi w’Akarere yashimye ubufatanye bw’inzego zitandukanye mu gutegura inama. Yashimye uruhare abafatanyabikorwa bagira mu iterambere n’imibereho myiza y’abaturage b’Umurenge wa Nyamabuye.

Yabibukije ko kwishimira ibyagezweho bikwiriye kubaha imbaraga zo gufata ingamba zo gukora ibirushijeho. Yabasabye gukorera hamwe,kujya inama, kwitanga, kubwizanya ukuri, kwegera abaturage,kwita ku isuku no gukora ibindi bikorwa bizana impinduka mu iterambere n’imibereho myiza y’umuturage.